لەگەڵ سەرجەم قوتابیانی کوردستانی لە شاری مۆسکۆ ساتێک وەستاین بۆ گیانی پاکی شەهیدانی قوتابیانی بۆمبارانکردنی زانکۆی سلێمانی لە قەڵادزێ لە ساڵی ۲٤/٤/۱۹۷٤ .
۲٤/٤/۱۹۷٤ ٤۸ مین ساڵیادی بۆردومانی شاری قەڵادزییە، کە لەلایەن حکوومەتی بەعسی ڕووخاوەوە بە فڕۆکە زانکۆی سلێمانی لە قەڵادزێ بۆردومانکرا و دەیان کەس شەهید و بریندار بوون.
دواتر هەر لە ئۆفیسی نوێنەرایەتی حکومەتی هەرێمی کوردستان لە رووسیا ئێوارە خوانێکی تایبەت بە مانگی ڕەمەزانی پیرۆز ڕێکخرا، کە تێدا سوپاسننامە و خەڵات لە لایەنی نوێنەرایەتی بەخشرایە بەڕێز قوتابی ڕێنوار خەلیل کە لە ئۆڵمپییادی پەرتوکخانەی سەرۆکایەتی ێلتسن ئەم ساڵ پلەی یەکەمین لەناو قوتابیانی وەڵاتانی بیانی بە دەستهێنا. هەروەها سوپاس و پێزانینی نوێنەرایەتی بەخشرایە بەڕێز قوتابی ئەحمەد فاروق لە پای هەموو ئەو هاوکاری و کارئاسانییانەی بە شەو ڕۆژ پێشکەشی قوتابیانی کوردستانی دەکات لە رووسیا.
دواتر هەریەک لە بەڕێزان دکتۆر نەهرۆ و دکتۆر مەحەمەد و دکتۆر نیژیار و دکتۆر ئیسماعیل وەک نمونەی قوتابی سەرکەوتووی کوردستانی لە رووسیا کە توانیویانە لە پسپۆری خۆیان خزمەتی بەرچاو بکەن و تەنانەت لە نەخۆشخانە وەک پزیشک، و لە زانکۆکانی رووسیا وەک یاریدەدەری مامۆستا وانە بە قوتابیان بڵێنەوە.
لە کۆتای مەراسیمەکەدا تەواوی قوتابییەکان سوپاس و پێزانین و خۆشحاڵی خۆیان دەربڕی بۆ ئەم دیدار و کۆبونەوە و مەراسییمە کە لە ئۆفیسی نوێنەرایەتی کوردستان لە رووسیا رێکخرا. ئێمەش بەناو خۆمان و نوێنەرایەتی حکومەتی هەرێمی کوردستان لە رووسیا دڵسۆزی خۆمان دووپاتکردەوە بۆ قوتابیەکانمان لە رووسیا و هیوای سەرکەوتوون و سەرفرازیمان بۆ خواستن.
