لە ڕێکەوتی ۳۱ی ئازار فیلارمۆنیکی هەرێمی یارۆسڵاڤل و ١ی نیسان کۆنسێرڤاتۆریای چایکۆڤسکی شاری مۆسکۆ میوانداری کۆنسێرتی “خۆری نەورۆز” دەکەن بە بەشداری گروپی مۆسیقای کوردی “با”. بۆ یەکەمجارە گروپێکی کوردی لە شاری دهۆکی ڕەنگینەوە کۆنسێرتی گۆرانی و مۆسیقا لەسەر شانۆ و ناوەندی زانستی هونەرییەکانی ڕووسیا پێشکەش دەکەن بە ئامێرە میوزیکییە نەتەوەییەکانی کوردی وەک (قانوون، عود، تەمبور، زوڕنە و بالابان و دەف. ئاهەنگەکە بە دەنگی چوار هونەرمەند دەڕازێتەوە.
کۆنسێرتەکانی گروپی مۆسیقای (با) لە یادی جەژنی نەورۆز و لە چوارچێوەی بیست و دووهەمین فێستیڤاڵی نێودەوڵەتی مۆسیقای “دەنگی گەردوون” بە پاڵپشتی بەرێزان پارێزگاری دهۆک، کۆنسێرڤاتۆری چایکۆڤسکی لە مۆسکۆ و نوێنەرایەتی حکومەتی هەرێمی کوردستان لە ڕووسیای فیدراڵ و سپۆنسەرەکانی تر بەڕێوەدەچێت.
بانگهێشتتان دەکەین بۆ ئێوارە ئاهەنگی هونەری لە کەشوهەوایەکی ئەفسوناوی مۆسیقی داب و نەریتی کوردی!
دەتوانن لە سایتی فەرمی کۆنسێرڤاتۆری چایکۆڤسکی و فیلارمۆنیکی هەرێمی یارۆسڵاڤل بلیت دەستەبەر بکەن، کە لەم لینکانەی خوارەوە دەیان خەینەڕوو:
٣١ی ئازار، یارۆسلاڤل – https://www.yar-filarmoniya.ru/afisha/buy.php?af_id=4769
یەکەمی نیسان، مۆسکۆ – https://www.mosconsv.ru/ru/bilet/186970
